Charter Document - 03330202
| Charter Number: | 03330202 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1280 - 1292 |
| Date type: | Assigned |
| Resource Link(s): |
|
Charter:
[] Cum dudum inter parochianos ecclesie parochialis de Kyrkebythore Karln diocesis et eandem inhabitantes ex parte una et predecessores seu precessores nostros et in villata de Temple Soureby prefati tunc moram facientes ex parte altera super contributione facienda refectioni et sustentationi navis ecclesie parochialis predicte campanilis et clausure cimiterii eiusdem necnon et ceteris quorum refectio et sustentatio ad parochianos eiusdem [] coram Officiali venerabilis patris et domini domini Rad[ulf]i miseratione divina quondam Karln episcopi et domino Thoma de Leycestr ipsius Officialis tunc commissario fuisset suborta materia questionis Tandem habito super premissis inter partes predictas post altercationes diutinas deliberato consilio et tractatu ut finis huius discordie eo facilius imponeretur partes predicte pro se et villatis supradictis ex certa scientia pure sponte et absolute super premissis omnibus et singulis ordinationi patris antedicti et decreto se totaliter submiserunt omnibus processibus sententiis interlocutoriis confirmationibus iuribus allegationibus rationiabus et defensionibus quibuscumque hinc inde habitis super premissis renuntiando simpliciter et expresse volentes quod quicquid super premissis predictis controversiis per venerabilem patrem supradictum inter eos ordinatum fuerit seu decretum pro se et heredibus suis et assignatis ab ceteris quibuscumque in predictis vill[atis] morantibus seu decetero moraturis robur optineat perpetue firmitatis et ab eis inviolabiliter observaretur venerabilisque pater antedictus pacem et quietem suorum subditorum intime affectans et submissionem huiusmodi admittens eam auctoritate ordinaria approbavit attendens etiam quod ipsa villata de Soureby refectioni seu sustentationi ecclesie parochialis de Kyrkebythore predicte campanilis clausure cimiterii eiusdem contribuere hactenus nonne consuevit prout ex fide dignorum relatione intellexit evidenter ordinavit inter alia statuit et decrevit quod ipsa villata de Soureby ab huiusmodi contributione sustentatione et refectione totaliter sic inmunis decernens ipsam ad huius onera subeunda decetero non teneri preterquam in casu ampliationis navis ecclesie de K memorate quo ipsam villatam de Sourby dicto ampliationi eiusdem pro tertia parte sumptuum et ipsius ampliationis sustentationem absque contradictione aliqualiter inperpetuum voluit et statuit teneri firmiter per decretum adiciens insuper in ordinatione sua prefata a partibus approbata prelibatio quod si homines de Kykrebythore villatam de Soureby super contributione facienda refectioni premissorum contra ordinationem suam huius gravent extunc inposterum seu molestent quod ipsa villa de Kyrkebythore villate de Soureby predicte decem marcas sterlingorum solvere teneatur ordinatione ipsa nichilominus in suo robore duratura prout de premissis omnibus et singulis in quadam pagina sigillo dicti patris una cum aliis appensis eidem consignata liquet et ad plenum []