Charter Document - 03330193

Reverendo in Cristo patri domino et amico suo karissimo domino [] Dei gratia Bathon et Wellens episcopo illustris regis Angl[ie] Cancellario Rad[ulphu]s eiusdem miseratione Karln episcopus salutis gratiam utriusque instantias amicorum decet favorabiliter exaudiri si absque iniuria et dampno parentis optato poterunt effectui mancipari Avertat igitur vestra reverenda paternitas quid nostra possibilitas optinet in negotiis contingentibus Robertum de la Vane clericum pro quo litteratorie nos rogastis ut ipsi per dominum regem ad ecclesiam de Kirkebythore nostre diocesis presentato precum vestrarum intuitu gratiam faceremus Dicta siquidem ecclesia per dominum papam ecclesiastico supposita est interdicto in qua iam octo annis elapsis et plus non celebrabantur divina ad instantiam cuiusdam Romani cui per summum pontificem facta fuit provisio de eadem pro quo etiam re vera de optinendo eandem lata est sententia in Curia Romana cuius sententie executor est magister Gefredus de Vezano qui nobis sub pena suspensionis ac nostri officii executionis nuper inhibuit ne quemquam preter provisum ad dictam ecclesiam ad cuiuscumque presentationem admittere curaremus Iniunxit insuper precipiendo ut nos supradictum Romanum quem Stephanum Surdum nominat in corporalem possessionem ecclesie memorate induceremus seu induci auctoritate apostolica faceremus alioquin in scriptis ab ingressu ecclesie et cuiuslibet capelle et etiam ab officio nos suspendit Hiis intellectis quid in casu consimili faceretis nobis si placuerit rescribentes et nos invenietis paratos vestris beneemeritis optemperare mandatis Credimus firmiter expedire si discretum regis consilium ad huiusmodi manus apponeret cum ipsa ecclesia sit de patronatu militum laicorum cum de huiusmodi ecclesiis non consuevit ipsa curia cuiquam aliqualiter providere Si enim rex scriberet summo pontifici quod provisiones de ecclesiis quarum laici sunt patroni non consueverunt fieri et quod huiusmodi provisiones sue corone preiudiciales existunt credimus omnia revocari que circa antedictam ecclesiam sunt hactenus attemptata Alioquin interdictum durabit in ea nullatenus relaxatum et preces amicorum quod est dolendum patientur repulsam Ex gratia quoque vestre solute benignitatis circa nos totiens exercite confidentes devote requirimus et rogamus ne per mandatum regium aut vestrum cum emanare contigerint ad inpossibilia patiamini nos astringi Valeat reverenda paternitas vestra per tempus prosperum et longevum Dat apud Linstok xvii kalendas Septembris