Charter Document - 03330192
| Charter Number: | 03330192 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1285 |
| Date type: | Internal, A.D. |
| Resource Link(s): |
|
Charter:
Universis sancte matris ecclesie filiis ad quos presentes littere pervenerint Rad[ulphu]s miseratione divina Karleolen episcopus salutem in Domino sempiternam Cum sit sancta ac salubris cogitacio preces domino Deo fundere pro defunctis ut a peccatorum suorum nexibus absolvantur nos de omnipotentis Dei misericordia gloriose Virginis Marie genitricis ipsius apostolorum Petri et Pauli omniumque sanctorum meritis et precibus confidentes omnibus Cristianis quorum diocesani hanc nostram indulgentiam ratam habuerint vere contritis penitentibus et confessis qui pro anima bone memorie Thome de Cantilupo quondam episcopi Hereforden cuius ossa in ecclesia Hereforden sunt tradita sepulture et pro animabus omnium fidelium defunctorum ibidem et ubique in Cristo quiescencium oracionem dominicam cum salutatione precelse Virginis antedicte dixerint mente pia quadraginta dies de iniuncta sibi penitencia misericorditer relaxamus In cuius rei testimonium presentes litteras sigillo nostro fecimus communiri Dat London vii idus Maii anno [Domini] mcclxxx quinto