Charter Document - 03330191

Radulphus miseratione divina Karln episcopus dilectis in Cristo filiis [] priori et conventui de Giseburne [nostre] dioecesis salutem gratiam et benedictionem Curam animarum diligentius procurari ac commodius dispensari [] religiose persone que a primis quasi cunabilis regularibus institutis instructa []zel[] querens exemplo sancte conversationis et vite subditos informare valeat eadem [] ecclesia de Brydekyrck nostre dioecesis quam in proprios usus canonice possidetis ad vestram presentationem [] secularis ob religionis tamen sacre reverenciam cultusque divini augmentacionem ac hospitalitatis [] abundantioris ampliacionem quas in nostris subditis vigere visceraliter affectamus Ordinamus et concedimus pro nobis et successoribus nostris quod ad dictam vicariam quandocumque eam vacare contigerit liceat vobis concanonicum vestrum perpetuum vicarium in dicta ecclesia preficiendum nobis et nostris successoribus presentare qui ab episcopo Karl qui pro tempore fuerit curam recipiet animarum secumque habeat alium canonicum ac presbiterum parochialem secularem secum prout convenit commorantes proviso tamen quod nobis et successoribus nostris in omnibus et singulis que ad iurisdictionem et correctionem ordinariam spectare noscuntur et vobis priori et successoribus vestris in omnibus et singulis que regularem professionem disciplinam et observandam ordinis vestri contingunt reverenter subsit obediat et intendat Dat apud Skelderischoth pridie nonas Septembris anno Domini millesimo ducentesimo octogesimo septimo et pontificatus nostri octavo