Charter Document - 03330189
| Charter Number: | 03330189 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1292 |
| Date type: | Internal, A.D. |
| Resource Link(s): |
|
Charter:
Serenissimo principi et domino suo reverendo domino E Dei gratia regi Anglie domino Hybern[ie] et duci Aquit[anie] Rad[ulphu]s eiusdem miseracione Karln episcopus salutem in eo qui regibus dat regnare Vestre regie excellentie innotescimus per presentes quod dominus Willelmus de Boyvil miles Willelmus dictus de Bowys de Neubigging et Robertus filius Ivonis de eadem nostre diocesis propter suam manifestam offensam maioris excommunicationis sentencia nostra auctoritate ordinaria innodati ipsam sentenciam per quadraginta dies et amplius sustinuerant animo indurato claves ecclesie dampnabiliter contempnendo Ea propter vestram dominacionem regiam humiliter requirimus et rogamus quatinus ad ipsorum insolentiam reprimendam litteras vestras capcionis vicecomiti Cumberin si libeat dirigendas iuxta meritoriam regni vestri consuetudinem concedatis ut quod nequid pia mater ecclesia in hac parte solita benivolentia vestra supleat regia celsitudo Ad ecclesie sue regimin et profectum conservet vos Altissimus per tempora prospera et longeva Dat apud Pontem Burgi v idus Februarii anno Domini mcc nonogesimo primo