Charter Document - 03330188
| Charter Number: | 03330188 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1291 |
| Date type: | Internal, A.D., Calendar |
| Resource Link(s): |
|
Charter:
Serenissimo principi et domino suo reverendo domino Edwardo Dei gratia regi Anglie domino Hybern[ie] et duci Aquitan[ie] Rad[ulphu]s eiusdem miseratione Karln episcopus salutem in eo qui regibus dat regnare Vestre regie excellencie innotescimus per presentes quod quidam Thomas de Redmane nostre dyocesis propter suam manifestam offensam maioris excommunicationis sententia nostra auctoritate ordinaria innodatus ipsam sententiam per quadraginta dies et amplius sustinuit animo indurato claves ecclesie dampnabiliter contempnendo Ea propter vestram dominacionem regiam humiliter requirimus et rogamus quatinus predictum Thomam in civitate Ebor veraciter nunc morantem ad ipsius insolentiam reprimendam litteras vestras captionis vicecomiti Ebor si libeat dirigendas iuxta meritoriam regni vestri consuetudinem concedatis ut quod nequid pia mater ecclesia in hac parte solita benivolentia vestra suppleat regia celsitudo Ad ecclesie sue et populi regimen et profectum vestram reverendam dominacionem conservet Altissimus per tempora prospera et longeva Dat apud Lynstok ii nonas Iulii anno Domini mcc nonogesimo primo