Charter Document - 03330187
| Charter Number: | 03330187 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1288 |
| Date type: | Internal, A.D., Calendar, Episcopal |
| Resource Link(s): |
|
Charter:
Excellentissimo principi ac domino suo serenissimo domino E Dei gratia illustri regi Angl[ie] domino Hibern[ie] et duci Aquit[anie] Rad[ulphu]s miseracione eiusdem Karln episcopus salutem in eo qui regibus dat regnare Excellentie vestre notum facimus per presentes quod domina Eva de Ulvysby Petrus de Asckeby Willelmus de Braley et Iohannes de Salkeld nostre diocesis et comitatus Cumberland ob suam contumaciam manifestam excommunicationis sentencia innodati per quadraginta dies et amplius perstiterunt contumaciter in eadem claves ecclesie contempnendo Quocirca serenitatem vestram humiliter exoramus quatinus ad tantam insollenciam reprimendam vestre maiestatis brachium iuxta consuetudinem regni vestri Dei et ecclesie sue intuitu apponere dignemini cum effectu In cuius rei testimonium has litteras nostras excellencie vestre mittimus patentes Conservet vos ecclesie et populo suo Deus per tempora longa Dat apud Meleburn iii kalendas Decembris anno Domini mcc octogesimo octav[o] et pontificatus nostri [non]o