Charter Document - 03330186
| Charter Number: | 03330186 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1287 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi ac domino reverendo domino E Dei gratia illustri regi Angl[ie] domino Hibern[ie] et duci Aquit[anie] Rad[ulphu]s miseracione eiusdem Karin episcopus salutem in eo qui regibus dat regnare Quia nobis constat evidenter quod Robertus de Crosseby Iohannes dictus Schare Sireda de Ukemanby Agnes de Kirkeland Helena de Aykeheved Isabella de Morhouses et Agnes dicta Hareys laici comitatus vestri Cumbr et nostre diocesis per [] rectorem ecclesie de Wygeton pro decimis suis non solutis maioris excommunicationis sentencia auctoritate ordinaria innodantur in qua per quadraginta dies et amplius animo indurato perstiterunt et adhuc persistunt claves ecclesie dampnabiliter contempnendo Vestram regiam dominacionem humiliter supplicamus quatinus ad ipsorum insollenciam reprimendam litteras iuxta piam et meritoriam regni vestri consuetudinem vicecomiti vestro Cumbr dirigendas dignetur concedere vestra regia celsitudo Conservet vos populo et ecclesie sue Altissimus per tempora diuturna Dat apud Linstok v kalendas Novembris anno Domini millesimo ducentesimo octogesimo septimo