Charter Document - 03330185

Charter Document - 03330185


Charter Number: 03330185
Cartulary Title: Carlisle 1133-1292 Volume 30
Charter Language: Latin
Charter Origin: Religious
Charter Type(s): Notification
Date: 1287
Date type: Internal, A.D., Calendar
Resource Link(s):

Charter:

Excellentissimo principi ac domino reverendo domino E Dei gratia illustri regi Angl[ie] domino Hybern[ie] et duci Acquitan[ie] Rad[ulphu]s eiusdem miseratione Karln episcopus salutem in eo qui regibus dat regnare Excellence vestre notum facimus per presentes quod Ricardus Maunsel laycus nostre diocesis et comitatus Cumberl propter eius contumaciam manifestam coram nobis pluries contractam sententia maioris excommunicationis autoritate nostra ordinaria innodatur in qua per quadraginta dies et amplius animo perstitit obstinato et ad huc persistit claves ecclesie dampnabiliter contempnendo Eapropter vestre dominationi regie humiliter supplicamus quatinus ad ipsius insolentiam salubrius reprimendam litteras captionis iuxta preobtentam meritoriam et piam consuetudinem regni vestri vicecomiti vestro Cumberland dirigendas dingnetur concedere vestra regia celsitudo ut quod ecclesia mater mitis minus poterit in hoc casu per vestram iustissimam potestatem regiam celeriter si placuerit supleatur Dat apud Linistock xii kalendas Novembris anno Domini millesimo ducentesimo octogesimo septimo