Charter Document - 03330181
| Charter Number: | 03330181 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1282 - 1283 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi ac domino reverendo domino E Dei gratia illustri regi Angl[ie] domino Hibern[ie] et duci Aquit[anie] Rad[ulphu]s eiusdem miseracione Karin episcopus salutem in eo qui regibus dat regnare Excellencie vestre notum facimus per presentes quod Willelmus dictus Todde de Langrigg laicus nostre diocesis et comitatus Cumbr propter suam multiplicatam contumaciam pariter et offensam maioris excommunicacionis sentencia auctoritate nostra ordinaria est innodatus in qua per quadraginta dies et amplius animo perstitit obstinato claves ecclesie dampnabiliter contempnendo Quocirca dominacionem vestram devote requirimus et rogamus quatinus ad tantam ipsius insollenciam reprimendam vestre maiestatis dignitas brachium seculare iuxta regni vestri consuetudinem Dei et ecclesie sue intuitu velit apponere cum effectu Conservet vos ecclesie sue Altissimus per tempora longiora Dat apud Aspatrik ix kalendas Aprilis anno Domini mcc octogesimo secundo