Charter Document - 03330180
| Charter Number: | 03330180 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1282 |
| Date type: | Internal, A.D., Calendar, Episcopal |
| Resource Link(s): |
|
Charter:
Excellentissimo principi ac domino reverendo domino E Dei gratia illustri regi Angl[ie] domino Hibern[ie] et duci Aquit[anie] Rad[ulphu]s eadem gratia Karins episcopus salutem in eo qui dat regibus regnare Excellencie vestre notum facimus per presentes quod Willelmus Tod de Langerig laicus nostre diocesis ac comitatus Cumberland propter suam contumaciam est excommunicatus in qua per quadraginta dies et amplius animo obstinato perstitit claves ecclesie dampnabiliter contempnendo Quo circa dominacionem vestram devote requirimus et rogamus quatinus ad tantam ipsius insollenciam reprimendam vestre majestatis brachium iuxta consuetudinem regni vestri apponere dignemini Conservet vos ecclesie sue Altissimus per tempora longiora Dat apud Ros ix kalendas Augusti anno Domini mcclxxx secundo et pontificatus nostri tertio