Charter Document - 03330176
| Charter Number: | 03330176 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1281 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi ac domino reverendo domino E Dei gratia illustri regi Angl[ie] domino Hybernie et duci Aquitan[ie] Rad[ulphu]s eiusdem permissione Karl episcopus salutem anime et corporis cum omni reverencia et honore Celsitudini vestre notum facimus per presentes quod Robertus Tempelman de Magna Stirkeland Walterus de Preston Iohannes filius Eve Iohannes filius Iohannis Thomas de Languathby Symon de Kendall Rogerus filius Penne Adam le Sauser Thomas de Hakevile Ricardus filius Rogeri Elizabeth[a] dicta comitissa layci nostre dyocesis et comitatus de Appelby maioris excommunicationis sentencia propter eorum contumaciam pariter et offensam sunt auctoritate ordinaria involuti in qua per quadraginta dies et amplius animo obstinato perstiterunt claves ecclesie dampnabiliter contempnendo Quocirca dominacionem vestram devote requirimus et rogamus quatinus regie maiestatis potencia secundum regni vestri consuetudinem ad huiusmodi insolenciam compescendam contra prenominatos extendere manum velitis brachii secularis Valeat dominatio vestra per tempus prosperum et longevum Dat apud Homcast iii nonas Iulii anno Domini mcc octogesimo primo