Charter Document - 03330173
| Charter Number: | 03330173 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1282 |
| Date type: | Internal, A.D., Calendar |
| Resource Link(s): |
|
Charter:
Rad[ulphus] miseratione divina Karln episcopus dilecto sibi in Cristo filio magistro Ad[e] de Coupeland clerico salutem in auctore salutis Tue merita probitatis quibus fidedignorum testimonio multipliciter commendaris nos excitant et inducunt ut te liberaliter prosequamur favore gratie specialis Hinc est quod cum tua prudentia nobis et ecclesie nostre Karln admodum fuerit fructuosa annuam pensionem xl solidorum una cum rob[is] et cap[is] decentibus quales clericis nostris maioribus prestare consuevimus et annuatim liberavimus a nobis et successoribus nostris Ebor in festis Pent et Omnium Sanctorum pro equalibus portionibus annis singulis percipiendorum donec de beneficio competenti ecclesiastico quod acceptandum duxeris nos vel successores nostri tibi providerimus ac ipsius beneficii fructus sine lite et cum effectu perceperis tibi caritatis intuitu et pro patrocinio nobis et successoribus nostris in causis nostris et ecclesie nostre Karln apud Ebor tuis sumptibus dum ibi moram traxheris ac extra Ebor nostris et successorum nostrorum sumptibus cum legitime requisitus fueris faciendum concedimus conferimus et assignamus hoc accepto quod contra religiosos viros abbatem et conventum beate Marie Ebor aut ecclesiam suam quorum clericus esse dinosceris ad prestandum patrocinium occasione premissorum nolumus te artari testimonio presentium quas sigilli nostri fecimus munimine roborari Dat apud Rosam xi kalendas Maii anno Domini mcc octogesimo secundo