Charter Document - 03330167
| Charter Number: | 03330167 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Profession of Obedience |
| Date: | 1280 |
| Date type: | Assigned |
| Resource Link(s): |
Borthwick Institute - Register 3 (f49r) Borthwick Institute - Register 3 (f133r) |
Charter:
Ego Rad[ulphus] episcopus Karl ab hac hora in antea fidelis ero ecclesie Ebor ac vobis patri W Dei gratia Ebor archiepiscopo Anglie primati ac successoribus vestris canonice intrantibus in consilio aut facto contra ecclesiam Ebor unde ipsi ecclesie Ebor dampnum seu quodcumque preiudicium provenire possit non ero Consilium quod mihi per vos per nuntium aut litteras manifestaveritis nulli pandam ad dampnum vestrum vel ecclesie Ebor Statuta vestra observabo defendam etiam et a subditis meis observari faciam Ad citationes vestras vocatus veniam nisi canonica prepeditione fuero prepeditus Vobis et ministris vestris ac successoribus vestris obedientiam promitto et me et ecclesiam meam Karl vobis et successoribus vestris et ecclesie vestre Ebor in omnibus subesse tamquam archiepiscopo meo et ecclesie metropolitice cuius est ecclesia Karl et fuerat ab antiquo subdita et suffraganea pro me et successoribus meis et ecclesia mea Karl recognosco et palam coram vobis omnibus fateor in hiis scriptis Possessiones ad mensam mei episcopatus pertinentes non vendam neque alienabo neque impignorabo neque de novo infeodabo vel aliquo modo donabo inconsulto Ebor archiepiscopo Ecclesiam Ebor per me vel per nuntium annis singulis visitabo Et me omnia premissa fideliter observaturum iuro sic Deus me adiuvet et hec sancta ewangelia et propria manu subscribo in testimonium premissorum Act et dat apud Oxton xi kalendas Augusti []