Charter Document - 03330163

In nomine domini nostri Iesu Cristi Amen Orta dudum inter venerabilem patrem dominum R Dei gratia Karl episcopum ex parte una et religiosos viros abbatem et conventum sancte Marie Ebor ex altera super custodia prioratus de Wederhal dicto prioratu carente priore et super institutione et destitutione eiusdem prioris ac quibusdam aliis articulis materia questionis tandem mediantibus amicis communibus anno Domini mcclx sexto pridie nonas Februarii conquievit huius controversia super dicta custodia in hunc modum videlicet quod idem episcopus sollicite considerans quanta dampna et pericula per huius custodiam dictis religiosis possent accidere et precipue celle seu prioratui de Wederhal antedicto et quod longi temporis questum per huius custodiam brevis hora consumeret attendens insuper huius occasione parum emolumenti posse sibi seu episcopatui Karl accrescere memoratus episcopus nomine suo et ecclesie Karl de consensu capituli sui expresso omne ius si quod sibi competiit super custodia dicti prioratus et bonorum eiusdem dictis abbati et conventui favore religionis tam in possessorio quam in petitorio undecumque proveniens pro se et successoribus suis imperpetuum remisit et quietum clamavit Dicti etiam abbas et conventus nolentes erga tam pium patrem filii dege[ne]res reputari eidem episcopo et successoribus suis amicabiliter dederunt et concesserunt ac etiam remiserunt imperpetuum duas marcas et dimidiam sibi prius annuatim debitas de ecclesia de Denton que de patronatu domini Karl episcopi existit dictis religiosis et prioratui de Wederh prius debitas nomine pensionis in utilitatem dicti episcopatus convertendas Convenit etiam inter easdem partes quod dicto prioratu de Wederh carente priore abbas beate Marie Ebor qui pro tempore fuerit monachum quem suo periculo dicte domui credidit esse utilem a sive dignum dabit priore et loci dioecesano vel eius officiali eo absente presentabit eundem quem dictus episcopus sine difficultate admittet et curam animarum parochialium ecclesiarum dumtaxat eidem committet recepta ab eodem canonica obedientia salva dicto abbati obedientia regulari Quod si dictus episcopus in dioecesi Karl presens non fuerit dictus officialis eundem presentatum absque difficultate admittet ita quod post adventum dicti episcopi in dioec[esim] dictus presentatus se eidem episcopo infra tres dies utroque existente in dioec[esi] personaliter presentabit canonicam obedientiam eidem facturus curamque animarum parochialium ecclesiarum ad dictum prioratum spectantium ab eodem recepturus Quod si dictus episcopus Karl vel eius officialis dictum presentatum sine difficultate non admittat liceat eidem dictum prioratum libere ingredi et ibidem a ut prior commorari ita quod ad mandatum dioecesani veniat dictam curam ut dictum est recepturus et obedientiam facturus sine mora Si vero processu temporis dictus abbas priorem de Wederh ex causa aliqua quam idem abbas credidit esse sufficientem providerit ammovendum dictus abbas literas suas patentes super amotione eiusdem predicto episcopo destinabit causam quam crediderit esse sufficientem inserendo quam dictus episcopus sine difficultate aut contradictione approbabit et quod per dicte cure receptionem et obedientiam eidem episcopo factas abbati Ebor nullum in amotione huius fiat preiudicium Lectis siquidem premissis dicte partes huic compositioni assensum prebentes uberiorem renuntiarunt omnibus processibus et literis impetratis et impetrandis omni exceptioni cavillationi et specialiter in integrum restitutioni ac omni iuris remedio per quod poterit presens compositio inposterum infirmari seu aliquatenus inpugnari In cuius rei testimonium huic compositioni dicte partes alternatim sigilla sua apposuerunt Nos vero prior et conventus Karl supradictam compositionem ratam et gratam habentes ipsam quatenus in nobis est confirmamus et sigilli nostri munimine roboramus Ad maiorem securitatem nos abbas et conventus Ebor dictas duas marcatas et dimidiam de ecclesia de Denton nobis debitas eidem episcopo et successoribus suis imperpetuum damus conferimus et assignamus in forma supradicta Act apud Bellum Locum anno et die supradictis Ponebatur hoc inter lineare nolentes ante consignationem Teste eadem manu