Charter Document - 03330161

Omnibus Cristi fidelibus has literas visuris vel audituris R miseratione divina Karl ecclesie minister humilis salutem in Domino sempiternam Dilecti in Christo filii abbas et conventus Vallis Magdalene de Hepp sua nobis humili petitione supplicarunt ut paupertati domus sue affectu paterno compatientes ipsis et domui abbathie sue de Hepp ecclesiam de Hepp et ecclesiam de Bampton in Westmerl sibi a predecessoribus nostris in usus suos inperpetuum capituli Karl accedente consensu confirmatas facta ipsorum predecessorum nostrorum ratificando confirmare dignaremur Nos vero vestigia predecessorum nostrorum in hac parte sequentes religionem suam et hospitalitatem suam ac alia non nulla honestatis quibus decorantur insignia luculenter attendentes in scriptis etiam predecessorum nostrorum confirmationibus et capituli Karl assensu scripto dicti capituli roborato eorum precibus caritatis intuitu duximus annuendum Unde nos ecclesiam ville de Hepp et ecclesiam ville de Bamptona in Westmerland ipsis abbati et canonicis et domui sue in suos perpetuos usus confirma[vi]mus possidendas salvo nobis et successoribus nostris in dictis ecclesiis iure diocesano habentes iterum respectum ad paupertatem eorum et affectu pietatis compatientes concedimus eisdem pro nobis et successoribus nostris ut liceat eis in predictis ecclesiis per duos canonicos suos vel tres deservire sicut semper consueverunt quorum unus nobis et successoribus nostris presentetur vicarius et nobis et successoribus nostris tam de episcopalibus quam de spiritualibus respondeat alter vero eis de temporalibus ita tamen quod in qualibet ecclesia habeant unum capellanum secularem qui audiat confessiones ac alia faciat que per eos non possunt decenter expediri In cuius rei testimonium presens scriptum sigilli nostri munimine fecimus roborari Dat apud la Rose in crastino sancti Iohannis Baptiste anno Domini mcclx tertio