Charter Document - 03330160
| Charter Number: | 03330160 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Memorandum |
| Date: | 1276 |
| Date type: | Internal, A.D., Feast |
| Resource Link(s): |
|
Charter:
Memorandum quod cum orta fuisset materia questionis inter venerabilem patrem dominum Robertum Dei gracia Karln episcopum ex parte una et religiosum virum priorem de Watton ordinis de Sempyngham ex altera super prestatione obedientie quam idem dominus episcopus a dicto priore requirebat ratione parochialis ecclesie de Ravenstandale quam dictus prior et conventus de Watton in proprios usus in Karln dioecesi tenent magistro ordinis de Sempyngham et priore predicto se sibi super hoc opponentibus et asserentibus quod nullus prior eiusdem ordinis ratione aliquarum ecclesiarum parochialium quas in diversis dioecesibus per Angliam in proprios usus tenet cum suis conventibus obedientiam diocesanis prestat set solus magister ordinis qui solus per electionem canonicam prelatus est et ius habet administrandi in personis et bonis omnibus eiusdem ordinis quodque a longis retro temporibus hactenus ita fieri consuevit et adhuc ubique per dioec[esanos] locorum suorum observetur tandem anno Domini mcclxx sexto die veneris in septimana Pentecost in hospitio fratrum minorum Lincoln mediantibus communibus amicis placuit domino episcopo [] episcopo obedientiam ad tunc recipere a predicto magistro oblatam in forma subscripta ita tamen quod si impostorum appare[re] valeat super prestatione obedientie inter dioecesanos locorum in quorum dioecesibus priores eiusdem ordinis ecclesias parochiales in proprios usus obtinent vel eorum aliqua aliter observari ex tunc presenti prestatione obedientie pro non prestita et pro nulla habita negotium pro utraque parte totaliter maneat in eodem statu quo tunc fuit salvo similiter utrique parti omnibus rationibus et defensionibus suis Forma vero obedientie prestite talis est Ego frater Iohannes magister ordinis de Sempyngham promitto vobis domino Roberto Karln episcopo et successoribus vestris canonicam obedientiam et debitam salvis ordine meo ac omnibus privilegiis libertatibus et indulgentiis nostris et hoc tantum pro parochiali ecclesia de Ravenstandale quam ego ac prior et conventus domus de Watton ordinis nostri in vestra dioecesi in usus proprios possidemus