Charter Document - 03330158
| Charter Number: | 03330158 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Explanation |
| Date: | 1273 |
| Date type: | Internal, A.D. |
| Resource Link(s): |
|
Charter:
Viro venerabili proviso et discreto domino Waltero de Mertona illustris regis Angl[ie] cancellario R permissione divina Karl minister humilis salutem in domino sempiternam Non quia debemus seu intendimus maliciose aut per iniuriam aliquem accusare verum quia pium est perhibere testimonium veritati ad instantiam religiosorum abbathie de Holtcoltram nostre diocesis et eorum precibus devicti vestre excellencie dirigimus litteras istas quarum tenore vobis innotescat quod dominus Ricardus de Crespinges vicecomes CumbT tam per se quam per suos ballivos inferiores fideles domini nostri regis predicti et maxime religiosos prefatos per captiones averiorum iniuriosas et absque causa rationabili seu legitima factas quotiensque motus fuerit contra aliquem ac detentiones eorundem que tamdiu detinet quousque sibi pecuniam solvant vel aliter satisfaciant pro sue libito voluntatis multipliciter aggravat et molestat in ipsius anime periculum scandalum plurimorum et preiudicium ecclesiastice libertatis Dat apud Rosam ii idus Iulii anno Domini mcc septuagesimo tertio