Charter Document - 03330157

Angi cancellario Viro venerabili et amico suo speciali domino Waltero de Merton illustris regis Angl[ie] cancellario R permissione divina Karleolens ecclesie minister humilis salutem et sincere dilectionis semper affectum Super eo quod negocia nostra vestrum commodum et honorem contingencia ex vestra speciali gratia frequenter expeduistis in curia vestra specialitati vestre ad quantascumque possumus assurgimus gratiarum actiones verum etiam cum per dominum Ricardum de Crepping vicecomitem Cumberl vobis ac sociis vestris locum domini nostri regis in Angi tenentibus iam de novo sicut intelleximus sit suggestum quod ne homines libertatis nostre fidelitatem dicto domino nostro regi debitam eidem vicecomiti facere non permittimus cuius rei occasione vicecomes ipse nos et homines nostros distringit enormiter ad veniendum coram vobis et dictis sociis vestris a die sancti Iohannis Baptiste nunc preterito in unum mensem pro eadem fidelitate ibidem facienda ut sic nos et nostros gravari faciat sicut cupit vestre dilectioni significandum duximus in hac parte quod nos in presentia virorum fidedignorum rogari fecimus subvicecomitem suum ut ipse dictam fidelitatem reciperet ab hominibus nostris et insuper litteratorie rogavimus dominum Ricardum predictum et etiam per milites et alios amicos nostros apud Appelby in comitatu Westmerland ubi exstitit ut ipse eandem fidelitatem ab hominibus libertatis nostris reciperet vel a suis recipi perciperet Unde cum nobis si placet imputari seu [] ebeat quominus fidelitas ipsa eidem vicecomiti nondum facta sit petimus diligenter et rogamus ut suggestionibus eiusdem domini Ricardi quas in odium et gravamen persone nostre vobis faciet in adventu suo non credatis set ei si placet precipiatis ut eandem fidelitatem recipiat vel ab alio fideli dicti domini nostri regis eam recepi faciatis parati enim et semper erimus quicquid dicatur ab aliquo securitati et honori dicti domini nostri cum omni diligentia et sollicitudine providere et suis mandatis in omnibus et per omnia gratanter et humiliter obtemperare Valete Si quid autem penes nos vobis placuerit nobis si placet significare velitis confidenter