Charter Document - 03330155
| Charter Number: | 03330155 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1266 |
| Date type: | Internal, A.D., Feast |
| Resource Link(s): |
|
Charter:
Universis sancte matris ecclesie filiis Rob[ertu]s miseracione divina Karl ecclesie minister humilis salutem in Domino sempiternam Obsequium Domino gratum prestare tociens opinamur quociens ad pias operaciones mentes fidelium excitamus ad ipsorum igitur devocionem amplius excitandam De omnipotentis Dei misericordia ineffabili gloriose virginis matris eius omniumque sanctorum meritis [et precibus] confidentes parochianis nostris ac aliis quorum dioecesani ratam habuerint hanc nostram indulgenciam vere contritis et confessis qui ex devocione predicacionem canonicorum Lincoln ecclesie ubicumque predicaverint vel aliorum in Lincoln ecclesia audierint seu pro anima pie memorie Henrici quondam Lincoln episcopi et animabus omnium fidelium defunctorum ter oracionem dominicam cum salutacione virginis gloriose pia mente dixerint quadraginta dies de iniuncta sibi penitencia misericorditer relaxamus In cuius rei testimonium nostrum sigillum presentibus est appensum Dat apud Coventr die iovis proxima post festum omnium sanctorum anno gracie MCCLX sexto Valete