Charter Document - 03330154
| Charter Number: | 03330154 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1262 |
| Date type: | Internal, A.D., Feast, Lunar |
| Resource Link(s): |
|
Charter:
Serenissimo domino [suo domino H Dei gratia] illustri regi Angl[ie] domino Hibern[ie] et duci Aquit[annie] R eiusdem permissione ecclesie Karl minister humilis salutem [in eo qui regibus d]at regnare Excellencie vestre notum faci[mu]s quod Hugo supprior de Lanrecost Clemens de Birskhawe et Alanus de Mora canonici eiusdem loci nostre diocesis ob suam contumaciam manifestam excommunicacionis sententia innodati per quadraginta dies et amplius perstiterunt contumaciter in eadem claves ecclesie contempnendo Quocirca serenitatem vestram humiliter exoramus quatinus ad tantam insollentiam reprimendam vestre maiestatis brachium iuxta consuetudinem regni vestri Dei et ecclesie sue intuitu apponere dignemini cum effectu Conservet vos ecclesie sue et populo suo Deus per tempora longa Dat London die lune proxima post festum apostolorum Petri et Pauli anno gratie mcclx secundo