Charter Document - 03330153
| Charter Number: | 03330153 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1262 |
| Date type: | Internal, A.D., Episcopal |
| Resource Link(s): |
|
Charter:
Serenissimo principi et domino reverendo H Dei gratia regi Anglorum illustri devotus suus R permissione divina Karleolens ecclesie minister humilis salutem et promptum ad obsequia famulatum cum omni reverentia pariter et honore Cum dominus Thomas de Multon prioratum de Lanercost iam per annum et amplius per vim laicalem tenuerit occupatum ita quod nec nobis aut officialibus nostris ad ea exercendum que officio nostro incumbunt nec priori eiusdem quem ibidem prefecimus ad corrigendum canonicorum suorum excessus seu ad disponendum de utilitatibus eiusdem prioratus aliquo modo patere potest ingressus vestre maiestati regie omni qua possumus devotione humiliter supplicamus quatenus vicecomiti Cumberland vestris velitis dare literis in mandatis ut vim laicalem a prioratu predicto auctoritate regia studeat amovere ne locus ille divino cultui dedicatus per laycalem insolentiam ulterius prophanetur Valeat et vigeat excellentia vestra regia per tempora longiora Dat apud Bellum Locum vi idus Martii anno Domini mcclx primo et pontificatus nostri anno quarto