Charter Document - 03330152

Universis sancte matris ecclesie filiis audituris presentes vel visuris R permissione divina Karl ecclesie minister humilis salutem in Domino sempiternam Noverit universitas vestra quod cum ecclesia de Laysingby Karl dioecesis per resignationem Hugonis de Moleton aliquamdiu custodis eiusdem ecclesie nuper vacasset ex parte religiosorum virorum Iohannis prioris et conventus de Lanrecost ordinis sancti Augustini verorum patronorum eiusdem ecclesie prout nobis constitit evidenter extitit supplicatum ut cum iidem prior et conventus manifeste premantur onere paupertatis ac alias per concursum diversorum hospitum quorum admissioni resistere non valent sumptibus gravibus ultra facultates suas multipliciter aggraventur eandem ecclesiam sic vacantem cum fructibus ipsius eorum usui misericorditer concedere vellemus nos diversorum religiosorum pro eisdem priore et conventu instanter suis precibus ad hoc intercedentium precibus inclinati attendentes eosdem priorem et conventum manifesta paupertate depressos redditusque eorum fore tenues et exiles ac prioratum ipsum in tali loco esse situm ubi concursus transeuntium est continuus ac ipsos etiam in receptando et hospitando potentes proceres et magnates et alios minimos et etiam mediocres ad ipsos in huius modo transitu declinantes gravibus sumptibus multotiens aggravatos necnon et favorem qui religiosis debetur et laudabile testimonium quod de eis a viris fide dignis communiter perhibetur ecclesiam predictam de Laysingby habito virorum prudentium consilio pensatisque facultatibus eiusdem ecclesie de quorum quantitate facta inquisitione diligenti per virorum fidelium nobis constitit sacramenta salva portione honesta et sufficienti per nos taxanda vicario qui pro tempore fuerit in ecclesia antedicta prout infra scribitur eorundem prioris et conventus usibus [duximus] appropriandum sub hac forma caritatis intuitu duximus concedendum scilicet quod iidem prior et conventus decimam garbarum parochie de Leysingby per hanc nostram concessionem eis appropriatam recipient in campis integraliter suo perpetuo nomine personatus de quibus eiusdem ecclesie vicario qui pro tempore fuerit eiusque successores duas eskeppas farine avene ad festum sancti Andree apostoli solvent inperpetuum annuatim et de earum solutione eis prefato termino fideliter facienda pro se et successoribus suis cartam facient eorum communi sigillo capituli consignatam Et toftum et croftum trium acrarum terre que Thomas King tenuit tempore confectionis huius instrumenti nomine personatus [] habebunt suo perpetuo libera ab omni decimatione in quibus edificare poterunt et predictas decimas cum collecte fuerint reponere sicut decet Vicariam autem vicariis assignandam duximus sic taxandam scilicet ut vicarius qui pro tempore fuerit habeat domos et aream que consueverunt esse rectoris ecclesie antedicte terram totam exceptis predictis tribus acris totum pratum tenentes ecclesie predicte et eorum redditus que rectores ecclesie supradicte ratione eiusdem habere solebant libera ab omni prestatione decime et etiam pensionis cum pascuis et pasturis decimas molendinorum et pratorum alteragium cum omnibus oblationibus mortuariis obventionibus decimis garbarum bladi crescentis in ortis lini et canabi ubicumque crescat in parochia cum predictis duabus eskeppis farine avene et omnimodis minutis decimis preterquam de orto dictorum prioris et conventus et successores sui habeant nomine vicarie in ecclesie memorata possideant et percipient in perpetuum annuatim ita quod vicarius qui pro tempore fuerit synodalia et archidiaconalia ac alia onera ordinaria persolvat et ecclesie ipsi prout decet ydonee deserviat luminaria subministret et in ea hospitalitatem teneat prout sue ingruerit portioni vestimenta etiam et alia ornamenta ecclesie sustineat et si coopertura cancelli immineat illud cooperiat et si contigerit ipsum cancellum dirui in toto vel in parte casu aliquo prior et conventus predicti ipsum cancellum in opere lapideo et grosso mere mio suis propriis sumptibus reficient et etiam relevabunt et si contingat sepe dictam ecclesiam libris aliquibus indigere excepto missali cuius exhibitio ad parochianos spectat vel aliqua onera extraordinaria casualiter imminere seu aliquam partem pasture in dicta parochia de Leysingeby de novo redigi ad culturam prefati prior et conventus pro medietate et vicarius qui pro tempore fuerit pro alia medietate libros necessarios reparabunt de extraordinariis omnibus pro medietate similiter respondebunt et tam prior et conventus quam vicarius decimas de terris sic de novo redactis ad culturam per equalem recipient portionem Et quia in concessione huiusmodi iura episcopalia aliquantulum imminuuntur nos prior et conventus predicti volumus et concedimus et sponte ac voluntarie consentimus quod venerabilis pater dominus R predictus et successores sui episcopi in ecclesia Karl vicariam ipsam cum conferri debeat persone ydonee conferre valeant cui eam merito viderint conferendam Ad quos etiam ipsius vicarie collationem sponte et mera liberalitate nostra volumus et concedimus inperpetuum pertinere Et ut omnia premissa rata firma et accepta habeantur nos prior et conventus suprascripti renuntiamus omnibus litteris impetratis et impetrandis ac remediis que contra hanc concessionem nostram liberam et spontaneam voluntatem et consensum prefatum ac taxationem predictam possent inposterum obici vel opponi per quem predicto domino episcopo seu vicario predicto vel vicarie prefate poterunt aliquotiens preiudicium generari Reservamus etiam nos R predictus nobis specialiter potestatem compellendi partem prefatorum prioris et conventus necnon et vicarii contra tenorem instrumenti huius venientem venire volentem seu nitentem per subtractionem fructuum dicte ecclesie ad observationem plenariam premissorum In cuius rei testimonium una pars istius instrumenti duplicati penes nos sub sigillo prefato dictorum prioris et conventus communi et alia penes eosdem priorem et conventum sub sigillo nostro residet consignata Dat apud Rosam vi kalendas Maii anno Domini M ducentesimo septuagesimo secundo