Charter Document - 03330144
| Charter Number: | 03330144 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1267 - 1268 |
| Date type: | Internal, A.D. |
| Resource Link(s): |
|
Charter:
Excellentissimo domino suo domino H Dei gratia regi Angl[ie] domino Hybern[ie] et duci Aquit[anie] R permissione divina Karl ecclesie minister humilis salutem in eo qui dat regibus regnare Excellencie vestre notum facimus quod Robertus de Molechastre Laurencius nepos eiusdem Galfridus de Scotia armiger eiusdem domini Roberti Alanus Scotus Willelmus de Templeton clericus Ricardus de Astineby Willelmus Scotus Hug[o] Witheved Robertus filius Bemardi capellani Reginaldus garcio Roberti de Molecastr Ricardus garcio eiusdem Roberti Willelmus de Kendal et Iohannes cissor de Karl[iol]o et Henricus Pre nostre diocesis ob suas contumacias manifestas excommunicacionis sentencia innodati per quadraginta dies et amplius perstiterunt contumaciter in eadem claves ecclesie contempnend[o] Quo circa excellenciam vestram humiliter exoramus quatinus ad tantam ipsorum insolenciam reprimendam vestre maiestatis brachium iuxta consuetudinem regni vestri Dei et ecclesie sue intuitu apponere dignemini cum effectu Conservet vos ecclesie sue Altissimus per tempora longa Dat Ros iii idus Ianuarii anno Domini mcclx septimo