Charter Document - 03330143
| Charter Number: | 03330143 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1267 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo domino H Dei gratia regi Angl[ie] domino Hybern[ie] et duci Acqu[i]tann[ie] R permissione eiusdem Karl ecclesie minister humilis salutem in eo per quem reges regnant Noverit excellencia vestra quod Walterus de Mortham nunc in civitate London existens propter contumaciam suam multiplicatam necnon et offensam manifestam in episcopatu nostro ab eodem commissam sentencia excommunicacionis innodatus per xl dies et amplius pertinaciter perstitit in eadem claves ecclesie contempnendo et adhuc ad satisfactionem redire contempnit Quo circa dominacioni vestre humiliter supplicamus quatinus ad tantam ipsius insolenciam reprimendam vestra maiestas brachium iuxta consuetudinem regni vestri Dei et ecclesie sue intuitu apponere dignemini cum effectu ut per hec aliorum qui ad contempnendum claves ecclesie proni fuerint metu pene ipsius temeraria presumpcio reprimatur Valeat dominacio vestra per tempora longa Dat apud Rosam x kalendas May anno Domini mcclx septimo