Charter Document - 03330141
| Charter Number: | 03330141 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1265 |
| Date type: | Internal, A.D. |
| Resource Link(s): |
|
Charter:
Excellentissimo domino suo domino H Dei gratia regi Angl[ie] domino Hibern[ie] et duci Aquit[anie] R permissione eiusdem ecclesie Karl minister humilis salutem in eo qui regibus dat regnare Excellence vestre notum facimus quod Robertus de Souleby et Walterus de Morton nostre diocesis ob suam contumaciam manifestam excommunicationis sententia innodati per quadraginta dies et amplius perstiterunt contumaciter in eadem claves ecclesie contempnendo Quocirca excellentiam vestram humiliter exoramus quatinus ad tantam ipsius insollentiam reprimendam vestre maiestatis brachium iuxta consuetudinem regni vestri Dei et ecclesie sue intuitu apponere dignemini cum effectu Conservet vos ecclesie sue Altissimus per tempora longa Dat London iii idus Decembris anno Domini mcclx quinto