Charter Document - 03330133
| Charter Number: | 03330133 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1277 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino suo domino E Dei gratia regi Angl[ie] domino Hibern[ie] et duci Aquit[anie] R eiusdem permissione Karl ecclesie minister humilis salutem in eo qui dat regibus regnare Excellencie vestre notum facimus quod Thomas Tyrrij junior Helias molendinarius de Deveneby Ricardus de Brocton molendinarius Rad[ulphus] de Man manens in Deveneby et Ricardus Leuediman manens in eadem nostre diocesis ob eorum contumaciam manifestam excommunicationis sentencia innodati per quadraginta dies et amplius perstiterunt contumaciter in eadem claves ecclesie contempnendo Quocirca excellentiam vestram humiliter exoramus quatinus ad tantam ipsorum insollenciam reprimendam vestre maiestatis brachium iuxta consuetudinem regni vestri Dei et ecclesie sue intuitu apponere dignemini cum effectu Conservet vos ecclesie sue Altissimus per tempora longa Dat apud Rosam xi kalendas Octobris anno Domini mcclxx septimo