Charter Document - 03330132
| Charter Number: | 03330132 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1277 |
| Date type: | Internal, A.D., Calendar |
| Resource Link(s): |
|
Charter:
Excellentissimo domino et in Cristo karissimo domino E Dei gratia regi Angl[ie] illustri R eiusdem permissione Karl ecclesie minister humilis salutem in eo qui regibus dat regere et regnare Quoniam Simon dictus Legat laicus nostre diocesis ex causa iusta et racionabili [et] propter sui contumaciam manifestam est per nos excommunicacionis maioris vinculo innodatus et in eadem sentencia per quadraginta dies et ultra perseveraverit animo indurato nolens iustificari per ecclesiam sacrosanctam ad vestram excellenciam in hoc casu pro adhibendo remedio more solito recurrentes vos precibus quibus possumus requirimus et rogamus attencius et devote quatinus vestro vicecomiti Cumberland scribere velitis ut predictum Simonem preceptis et monicionibus sacrosancte ecclesie canonicis obediat et adquiescat per vestram secularem coherceat potestatem Conservet Altissimus excellenciam vestram per tempora diuturna Dat apud Ros xvi kalendas Iulii anno Domini mcclxx septimo