Charter Document - 03330131
| Charter Number: | 03330131 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1276 |
| Date type: | Internal, A.D., Calendar |
| Resource Link(s): |
|
Charter:
Excellentissimo principi et domino domino E Dei gratia regi Angl[ie] domino Hibern[ie] et duci Aquit[anie] R eadem gratia Karl episcopus salutem in eo per quem reges regnant Excellencie vestre notum facimus quod Adam filius Willelmi de Boulton nostre diocesis ob suam contumaciam manifestam excommunicationis sentencia innodatus per quadraginta dies et amplius perstitit contumaciter in eadem claves ecclesie contempnendo Quo circa excellentiam vestram humiliter exoramus quatinus ad tantam ipsius insolenciam reprimendam vestre majestatis brachium iuxta regni vestri consuetudinem Dei et ecclesie sue intuitu apponere dignemini cum effectu Conservet vos ecclesie sue Altissimus per tempora longa Dat apud Rosam xii kalendas Septembris anno Domini mcclxx sexto