Charter Document - 03330130
| Charter Number: | 03330130 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1275 |
| Date type: | Internal, A.D. |
| Resource Link(s): |
|
Charter:
Excellentissimo domino suo domino E Dei gratia regi Angl[ie] domino Hibern[ie] et duci Aquit[anie] R eiusdem permissione Karl ecclesie minister humilis salutem in eo per quem reges regnant et regine Excellentissime dominacioni vestre tenore presentium significamus quod Iohannes de Melefel David de Hald[un]scalebanke Ricardus marescallus de Greystok Gilbertus Holleye Iohannes frater suus Rogerus serviens de Graystok Adam filius Hugonis de Graystok Willelmus filius Iohannis Ricardus del Scales Hugo Scapper Robertus de Louther Iohannes de Threlkild Ricardus de Dounethweyt Willelmus de Brakenthweyt Nicholaus de Matheresdal Alanus de Docwra Ricardus filius Iohannis de Melefel Johannes gener Patricii Willelmus de Grenhou et Rogerus del Cote maioris excommunicationis sentencia per manifesta eorum offensa ordine iur observato auctoritate nostra sententialiter innodati ipsarum sententiam per xl dies et amplius animo sustinuerunt indurato in ipsorum salutis dispendium et aliorum plurimorum scandalum claves ecclesie dampnabiliter contempnendo Quo circa vestre dominacioni excellentissime duximus supplicandum quatinus vicecomiti Cumberland in cuius comitatu excommunicati degunt antedicti litteris vestre majestatis dare dignemini in mandatis quod ad reprimendam ipsorum pertinaciam id vicecomes secundum regni vestri consuetudinem procedat et manum apponat more solito adiutricem Valeat et vigeat dominacio vestra reverentissima per tempora diuturna Dat apud Rosam v Idus Octobris anno Domini mcc septuagesimo quinto