Charter Document - 03330128

Anno Domini MCCLX quarto die iovis proxima ante festum sancti Michaelis in ecclesia parochiali de Dalston convenit amicabiliter inter venerabilem patrem R Dei gratia Carliol episcopum ex una parte et priorem et conventum Karliol ex altera videlicet quod dicti prior et conventus ratificant et aceptant expresse divisionem seu distributionem factam per dominum Iohannem le Fraunceys canonicum Lichfield magistros W de Glovemia P Legat et omnia et singula in dicta distributione contenta et sigillum eorum comune dicte distributione seu divisioni apponent sine aliqua dilatione et magistrum Adam de Guyp adversarium magistri Roberti Augh rectoris medietatis ecclesie de Kirkland clerici predicti episcopi a predicta medietate cuius presentandi possessionem idem prior et conventus ad dictum episcopum pertinere confitentur et recognoscunt amovebunt Precabunt etiam et facient quod magister Robertus possessione sua in predicta medietate pacifice gaudebit sine aliquo impedimento seu reclamatione predicti magistri Ade in perpetuum Et predictus episcopus dictam ordinationem ratificat et acceptat et per sigillum suum confirmabit super aliis vero controversiis et transgressionibus hactenus hinc inde habitis inter ipsos necnon similiter ambiguitatibus et obscuritatibus in dicta divisione contentis si que fuerint que interpretatione seu declaratione indigeant et per ipsos vel instrumenta vel alio modo legitimo non possent declarari elegant hinc inde viri discreti fidedigni providi et honesti pacem et veritatem zelantes qui se predictis transgressionibus controversiis pacem restituent ambiguitates interpretantur et obscuritates declarent secundum Deum et iustitiam ad utriusque partis pacem et tranquillitatem perpetuam Dicte vero partes specialiter expresse consenserunt quod predictorum virorum cum ab eisdem electi fuerint reformationibus interpretationibus et declarationibus stabunt per omnia in premissis ad invicem bona fide et per stipulationem legitimam promittentes quod pars resiliens vel parti premissa observare volenti ducentas libras argenti nomine expens[arum] persolvet et nihilominus quod a dictis eligendis fuerit reformatum seu declaratum vel interpretatum firmum et stabile permaneat in perpetuum In cuius testimonium partes predicte huiusmodi instrumentis in modo chirografi confectis altematim sigilla sua apposuere