Charter Document - 03330118
| Charter Number: | 03330118 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1247 |
| Date type: | Internal, A.D., Calendar |
| Resource Link(s): |
|
Charter:
Universis sancte matris ecclesie filiis ad quos presens scriptum pervenerit Silvester Dei gratia Karl episcopus salutem in Domino Noverit universitas vestra nos communi consilio et assensu capituli nostri ecclesie sancte Marie Karl concessisse confirmasse et ratas habere concessiones donationes et confirmationes illas quas venerabilis pater Hugo Dei gratia Karl episcopus predecessor noster fecit abbati et conventui sancte Marie Ebor super ecclesiis de Appelby sancti Michaelis et sancti Laurentii et de Kyrkebistephan et de Morlund tenendis et habendis in proprios usus imperpetuum integre et plenarie cum omnibus capellis et pertinendis suis Concedimus etiam confirmamus et ratas habemus omnes concessiones donationes et confirmationes pensionum libertatum procurationum et aliorum beneficiorum ecclesiasticorum quas idem venerabilis pater predecessor noster fecit abbati et conventui predictis sicut in ipsius cartis super hiis confectis plenius continetur et sicut temporibus predecessorum nostrorum habuerunt Et in huius rei testimonium et confirmationem presenti scripto sigillum nostrum una cum sigillo capituli nostri apposuimus Testibus dominis Waltero de Rudham Willelmo de Swyneford Henrico de Kyngtun magistris Rogero Pepyn Iohanne de Aseby domino Gilberto de Kyrketun domino I de Petricurta Nicholao Spigumel et aliis Act Lundon xii kalendas Martii anno Domini mccxl septimo