Charter Document - 03330115
| Charter Number: | 03330115 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1252 |
| Date type: | Internal, A.D., Feast |
| Resource Link(s): |
|
Charter:
Omnibus Cristi fidelibus ad quos presentes littere pervenerint S miseratione divina Karl ecclesie minister humilis salutem in Domino sempiternam Noverit universitas vestra quod cum prior et conventus de Lanrec de ordinanda et taxanda vicaria in ecclesia de Walton se gratie nostre supposuissent nos Deum habentes pre oculis sic duximus ordinandum scilicet quod vicarius qui pro tempore fuerit nobis et successoribus nostris per eosdem priorem et conventum presentandus habeat totum alteragium dicte ecclesie de Walton cum sex acris terre proximis dicte ecclesie de Walton salvis dictis priori et conventui decimis duorum molendinorum suorum que habuerant in dicta parochia de Walton ante tempus huius ordinationis et salva eisdem capella de Treuerman cum suis pertinendis preter mortuaria decedentium in parochia capelle de Treuerman cui capelle dicti prior et conventus facient propriis sumptibus deserviri salvis etiam eisdem priori et conventui possessionibus et obventionibus omnimodis ecclesie sue conventuali de Lanrecost in quarum possessione dicti prior et conventus fuerunt tempore huius ordinationis a nobis facte Dictus vero vicarius qui pro tempore fuerit onera ordinaria dicte ecclesie de Walton sustinebit Ad perpetuam huius rei memoriam presens scriptum sigilli appositione munivimus Dat in festo sancti Thome apostoli anno Domini mccl secundo