Charter Document - 03330114
| Charter Number: | 03330114 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Ordination |
| Date: | 1251 |
| Date type: | Internal, A.D., Feast |
| Resource Link(s): |
|
Charter:
Omnibus Cristi fidelibus presentes litteras inspecturis S miseratione divina Karl episcopus minister humilis salutem in Domino Noverit universitas vestra quod cum ex officio nostro ad taxationem vicarie de Farlam procederemus et eidem vicarie omnes proventus ecclesie predicte preter decimas garbarum et preter medietatem terre ad eandem ecclesiam pertinentis assignaremus postea minus exilem eiusdem vicarie portionem perpendentes aliam medietatem terre predicte de consensu prioris et conventus de Lanrecost eidem vicarie litteris presentibus assignavimus preter unam acram terre eisdem priori et conventui ad edificandum quandam grangiam assignandam priorem quidem litteram nostram super taxatione dicte vicarie confectam in posterum decrevimus si proferatur minime valituram In cuius rei testimonium huic scripto sigillum nostrum una cum sigillo capituli de Lanrec fecimus apponi Dat apud Bellum Locum in crastino Pentecost pontificatus nostri anno quarto Valete