Charter Document - 03330109
| Charter Number: | 03330109 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1248 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Silvester Dei gratia Karleol episcopus salutem in Domino Inter preclaros Cristi confessores quorum presencia corporalis Anglicane patrocinatur ecclesie beatus Cuthbertus non mediocre sanctitatis preconium dinoscitur optinere Nec immerito laudibus humanis attollitur cuius meritis infirmi sanitatis gratiam consequntur cuius caro carie carens et prorsus integra perseverans dormientem potius quam mortuum presentare videtur Membra namque beati viri incorrupta penitus manere non solum venerabilis Bede presbiteri scriptura testatur Verum etiam quam plurium sanctorum asserunt testimonia et ipsius sanctissimi corporis translacio evidentissime comprobavit Nos igitur tanti confessoris considerantes insignia de Dei misericordia et gloriose virginis Marie et sancti Cuthberti omniumque sanctorum confidentem omnibus de peccatis suis vere contritis et confessis qui ad feretrum eius devotionis et orationis causa advenerint et de bonis sibi a Deo collatis feretro suo cum devocione attulerint de iniuncta sibi penitencia quadraginta dies relaxamus Dat Dunelm xvi kalendas Iulii anno pontificatus nostri primo