Charter Document - 03330092
| Charter Number: | 03330092 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1229 |
| Date type: | Assigned |
| Resource Link(s): |
|
Charter:
Venerabili fratri et amico in Cristo karissimo R Dei gratia Cycestr episcopo domini regis cancellario W eadem gratia Karl episcopus domini regis thesaurarius salutem cum scincera dilectione Sciatis quod cum die iovis proxima post festum sancti Bamabe apostoli a domino S cappellano domini pape vocati essemus inter alia nobis dixit in secreto quod cum dominus papa dominum regem litteratorie et per [ipsum] rogasset quod dominus rex domino pape in maxima amaritudine et angustia pro universali ecclesia constituto ad presens in aliqua summa [pe]ccunie subveniret dominus rex ei respondit quod nullum certum ei super hoc dare potuit responsum ante reditum nunciorum suorum quos ad legatum [Francie destinaverat nichilominus tamen dixit quod libenter petitioni domini pape adquiesceret] Et quoniam nuncii sui iam pridem de Francia redierunt multum dolet quod super predicta petitione sua nullam adhuc recepit certitudinem quia ut dicit commodum domini regis et regni diligit et honorem et dominus papa ut dicit magis acceptaret si dominus rex ad presens ei in mille marcis subveniret quam si alias ipsum in duplum vel in triplum respiceret Adiecit etiam [idem S] quod dominus papa de vobis et nobis specialiter confidens litteris suis nobis dedit in mandatis ut nos in expeditione negotiorum suorum eidem S assisteremus et idem S nobis iniunxit quod predicta domino regi domino iustitiario et vobis non quasi per ipsum significaremus Unde litteras nostras quas domino regi et domino iustitiario mittimus eis tradi faciatis si hoc videritis expedire beneplacitum et voluntatem vestram super premissis et aliis in omnibus nobis si placet significantes Valete