Charter Document - 03330088
| Charter Number: | 03330088 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1234 |
| Date type: | Internal, A.D., Calendar |
| Resource Link(s): |
|
Charter:
Valterus Dei gratia Karl episcopus omnibus sancte matris ecclesie filiis ad quos presentes littere pervenerint in Domino salutem Cum inspecta carta pie memorie domini Hugonis predecessoris nostri quam abbas et monachi de Holm habent super ecclesia de Burgo attenderemus ipsam eis in usus proprios fuisse concessam volentes eorum utilitati et indemnitati paterna affectione inperpetuum providere eandem ecclesiam eis intuitu Dei de communi consensu totius capituli nostri in usus proprios concessimus et confirmavimus Et licet taxatio vicarie eiusdem ecclesie eorum arbitrio et voluntati esset relicta nos tamen de eorum mera et spontanea voluntate vicariam illam in hunc modum taxavimus videlicet quod vicarii qui pro tempore ab eis nobis et successoribus nostris erunt presentati et a nobis et eis admissi omnes obventiones totius alte lagei dicte ecclesie cum decimis fenorum et terra quam Willelmus Surrays quondam tenuit integre percipient nomine vicarie exceptis decima lane agnorum et decima salis et cuiuslibet generis piscium Et sciendum quod vicarii qui pro tempore in eadem ecclesia preerunt omnia onera ordinaria et consueta sustinebunt Dicti autem abbas et monachi nobis quemdam capellanum Petrum nomine ad dictam vicariam sic a nobis taxatam incontinenti in plena synodo nostra presentaverunt quem ad eandem vicariam admisimus et ipsum in eadem instituimus volentes et statuentes ipsum et successores suos in vicaria sic a nobis taxata in perpetuum fore contentos Et ut hec nostre concessio confirmatio et taxatio perpetuum robur obtineant huic pagine sigillum nostrum fecimus apponi Hiis testibus domino Radulpho priore Karli domino Gervasio archidiacono [] Dat anno gratie MCCXXXIIIJ pridie idus Aprilis