Charter Document - 03330085
| Charter Number: | 03330085 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1226 |
| Date type: | Internal, Calendar, Episcopal |
| Resource Link(s): |
|
Charter:
Omnibus Cristi fidelibus ad quos presens scriptum pervenerit W Dei gratia Karleoln episcopus salutem in Domino Quoniam inter opera caritatis ea valde meritoria reputantur que ad sustentationem pauperum Cristi pia conferuntur largitione fidelium universitatem vestram monendam duximus et exhortandam in Domino quatinus ad constructionem domus elemosinarie per decanum et capitulum Hereford iuxta ecclesiam beati Athelberti Hereford site et ad sustentationem pauperum ibidem de bonis nobis a Deo collatis aliquid misericorditer erogetis Nos autem de Dei misericordia et beate virginis et omnium sanctorum meritis confidentes omnibus de nostra diocesi aliis etiam quorum diocesani hanc nostram relaxationem rata habuerint predicte domui elemosinas suas pie conferentibus confessis et vere penitentibus de iniuncta sibi penitentia tresdecim dies relaxamus Dat per manum nostram apud Westm quintodecimo kalendas Novembris pontificatus nostri anno tertio