Charter Document - 03330076
| Charter Number: | 03330076 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1225 |
| Date type: | Internal, A.D. |
| Resource Link(s): |
|
Charter:
Walterus Dei gratia Karliolensis episcopus universis Cristi fidelibus qui has litteras inspexerint salutem in Cristo Ihesu Noverint universi et singuli quod nos de auctoritate domini Colon archiepiscopi Engilberti et ad petitionem conventus Sanctorum Apostolorum in Colonia capsam que in predicta ecclesia consistit cum debita solemnitate benediximus et in ea cum devotione et reverentia reliquias sanctorum reposuimus scilicet de ligno Domini de sepulchro Domini de mensa Domini de petra supra quam Dominus requievit de velo sancte virginis Marie reliquias sancti Petri sancti Pauli sancti Andree sancte Thome apostolorum dentem beati Bartholomei apostoli de loco ubi Dominus oravit capita sanctorum martyrum Felicis et Adaucti reliquias sanctorum Thebeorum martyrum de societate beati Gereonis sancti Blasii martyris sancti Mauritii martyris sancti Laurentii martyris de lecto sancti Willibrordi sancti Pancratii martyris sancti Laurentii regis et martyris sancti Herenei sancti Ypoliti et sociorum eius sancti Anathalonis sancti Udilrici confessoris sancte Helene regine sancte Felicitatis virginis sancte Agnetis virginis et martyris sancti Viti et sociorum eius de lecto beate Gertrudis virginis in quo resuscitatus est puer mortuus et de velo ipsius Gertrudis de velis beatarum Adelgundis et Waldetrudis virginum de ossibus beati Nicolai et pulvere corporis eius et indumentis eius in quibus fuit sepultus reliquias Thebeorum martyrum qui requiescunt iuxta Rodanum sancte Marie Magdalene Materni episcopi sancti Cassii et Mallusii martyrum sancti Augustini episcopi Pantuli episcopi et martyris sancti Bernhardi sancti Quirini martyris Crostoferi martyris sancti Maximi sancti Alexandri pape sancte Victorie virginis et reliquias sanctarum undecim millium virginum Nos etiam de misericordia Ihesu Cristi et sanctorum omnium meritis confisi et auctoritate Colon archiepiscopi suffulti omnibus illis qui in festivitate sanctorum martyrum Felicis et Adaucti ad predictam ecclesiam accesserint vel eleemosynas suas transmiserunt xxx dies penitentie sibi pro peccatis suis de quibus sufficienter fuerint contriti et sacerdotibus suis confessi remittimus Ne ergo hoc factum nostrum alicui in posterum possit venire in dubium presentem paginam super hoc conscribi fecimus et sigilli nostri appositione communiri Acta sunt hec anno dominice incarnationis mccxxv idus Iulii