Charter Document - 03330065
| Charter Number: | 03330065 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1219 - 1223 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Hugo Dei gratia Karl episcopus salutem in Domino Noverit universitas vestra nos divine caritatis intuitu de consensu et assensu capituli nostri concessisse et hac presenti carta confirmasse Deo et sancto Petro et sancte Hilde de Witeby et monachis ibidem Deo servientibus ecclesiam de Crosseby Ravenswart in Westmaria in proprios usus perpetuis temporibus possidendam cum omnibus pertinentiis suis ac dominum Iohannem tunc temporis abbatem sollempniter personam instituisse in eadem ita tamen ut ministrum idoneum ponant in eadem qui de proventibus ipsius ecclesie honestam et congruentem habeat sustentationem videlicet centum solidorum per annum et per manum abbatis et conventus de Wyteby qui nobis et successoribus nostris de spiritualibus valeat respondere Hiis testibus domino Bartholomeo priore Karl domino Suffredo priore de Wederhal L quondam priore de Giseburn I sacrista de Giseb magistro A officiali et A decano Karl A persona de Stratford A et S canonicis de Wart R vicario de Bridekirk et multis aliis