Charter Document - 03330057
| Charter Number: | 03330057 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1220 |
| Date type: | Internal, A.D., Calendar |
| Resource Link(s): |
|
Charter:
Hugo Dei gratia Karl episcopus omnibus Cristi fidelibus has literas inspecturis vel audituris salutem in Domino Quoniam ex officio nobis iniuncto subiectorum nostrorum et maxime religiosorum tenemur utilitati providere et eorum bona augere et confovere noscat universitas vestra quod nos divina ducti pietate de assensu capituli Karl ecclesie concedimus et presenti pagina confirmamus Deo et ecclesie sancte Marie Ebor et monachis ibidem Deo servientibus et in posterum servituris ecclesias de Kirkebistephan et de Morlund cum omnibus capellis ad eas pertinentibus et cum omnibus aliis pertinentiis suis in proprios usus ipsorum habendas et possidendas imperpetuum ita scilicet quod ecclesia de Kirkebistephan cum suis pertinentiis cedat in usus proprios dictorum monachorum Ebor ad sustentationem pauperum et peregrinorum et ecclesia de Morlund cum suis pertinentiis in usus proprios monachorum domus de Wederhale que est cella dicte ecclesie sancte Marie Ebor ad eorundem sustentationem Decedentibus vero vel cedentibus personis vel rectoribus predictarum ecclesiarum qui nunc in eis sunt constituti liceat prefatis monachis libere et sine alicuius contradictione vel impedimento eas sibi in usus proprios retinere ita tamen quod in eis vicarios idoneos constituant nobis et successoribus nostris presentandos qui de proventibus ipsarum c solidos singuli ipsorum de singulis ecclesiis percipiant imperpetuum curamque animarum a nobis et successoribus nostris percipere et de spiritualibus respondere teneantur Ut autem hec nostra concessio et confirmatio perpetue firmitatis robur optineat hoc presens scriptum sigilli nostri inpressione duximus communire Hiis testibus domino I abbate de Fontibus R decano et magistro I Romano canonico Ebor magistro A de Kirkebi tunc officiali Karl Iohanne de Kirkebi clerico magistris R de Bridlington I de Hamerton et R Benvallet R de Skegenesse R de Apeltun Willelmo de Pontefracto et I de Bovingtun Nicholao de Morlund Thomas de Morlund Samsone clerico et aliis Act xiii kalendas Novembris anno incarnationis Domini mccxx