Charter Document - 03330055
| Charter Number: | 03330055 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Judgement |
| Date: | 1221 - 1222 |
| Date type: | Assigned |
| Resource Link(s): |
|
Charter:
Universis Cristi fidelibus ad quos presens scriptum pervenerit Hugo Dei gratia Karl episcopus salutem in Domino Ad universitatis vestre notitiam volumus pervenire quod cum per Dei gratiam et ordinationem domini pape vocati fuissemus ad regnum ecclesie Karl et ipsam fere invenimus collapsam et bona que ad ipsam ab antiquo de iure pertinebant ex parte magna fuissent alienata diligentiam quam decuit adhibuimus qualiter ea possemus renovare et in statum debitum reformare Cum igitur auctoritate litterarum domini pape questio mota fuisset coram domino Pandulfo Norwic electo eiusdem domini pape camerario apostolice sedis tunc in Anglia legato super ecclesia de Werkeworth que ad ius et proprietatem spectabat ecclesie Karl et idem legatus eam nobis adiudicasset Stephanus de Hend qui eam multo tempore occupaverat tandem coram eodem domino legato ius ecclesie Karl pro se recognoscens eandem ecclesiam de Werkeworth in manu nostra libere resignavit facta autem distributione inter nos et priorem et canonicos nostros que de mandato domini pape fuit ordinata ut nos et successores nostri medietatem haberemus omnium bonorum ecclesie Karl et prior et conventus aliam medietatem Cum ecclesia de Werk devenisset ad partem nostram supplicaverunt karissimi fratres nostri abbas et conventus de Novo Monasterio Cist ordinis ut decimas grangie sue de Stretton quas ante nos pacifice possiderant fere per quadraginta annos reddendo annuatim ecclesie de Werk pro bono pacis sex marcas argenti tres ad festum sancti Martini et tres ad Pent eis iuxta tenorem privilegiorum suorum libere et quiete possidere permitteremus et ipsi predictas sex marcas nobis et successoribus nostris solverent imperpetuum ad terminos memoratos Nos igitur considerantes bona que iugiter in eodem ordine sint in susceptione pauperum et peregrinorum et alia quam plurima pietatis officia et tenorem privilegiorum summorum pontificum quibus idem ordo specialiter communitur predictis abbati et monachis concedimus pro nobis et successoribus nostris ut quieti sint a prestatione decimarum dicte grangie imperpetuum solvendo nobis et successoribus nostris annuatim sex marcas predictas Et in huius rei perpetuam confirmationem presens scriptum eis attulimus sigilli nostri munimine roboratum Hiis testibus