Charter Document - 03330054
| Charter Number: | 03330054 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Indulgence |
| Date: | 1219 - 1223 |
| Date type: | Assigned |
| Resource Link(s): |
|
Charter:
H Dei gratia Karl ecclesie vocatus sacerdos offic[ialibus] decanis personis vicariis clericis et omnibus Cristi fidelibus per Karl diocesim constitutis salutem et benedictionem Quoniam necessarium est Cristiano bonis semper operibus invigilare et de facultatibus adeo sibi prestitis elemosinas quibus extinguntur peccata pia liberalitate pauperibus erogare licet universitatem vestram frequenter monuerimus locis religiosis et Deo dicatis reparandis vel construendis de novo bonorum vestrorum partem transmittere considerantes necessitatem pontis de Novo Castro super Tinam qui transitum parat tam Scotis quam Anglis et transmeantibus universis devotionem vestram monemus attentius in Domino et rogamus quatinus cum certi nuntii eiusdem pontis ad vos veniunt ipsos exaudiatis benigne et de rebus vestris ad edificationem dicti pontis aliquam studeatis transmittere portionem Nos autem de misericordia Dei confisi omnibus benefactoribus memorati pontis decem dies de iniuncta penitentia relaxamus