Charter Document - 03330053
| Charter Number: | 03330053 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1219 - 1223 |
| Date type: | Assigned |
| Resource Link(s): |
|
Charter:
Omnibus Cristi fidelibus ad quos presens scriptum pervenerit Hugo Dei gratia Karl episcopus in Domino salutem Noverit universitas vestra nos divine caritatis intuitu concessisse et hac presenti carta confirmasse auctoritate diocesana sanctimonialibus de Marrig totam ecclesiam de Kirkandres iuxta Karl in proprios usus habendam et tenendam imperpetuum cum omnibus pertinendis et libertatibus suis libere pacifice et quiete ad sustentationem pauperum et peregrinorum quos frequenter caritative suscipiunt ita dum taxat quod constituant ibi vicarium nobis vel successoribus nostris prius presentatum qui curam gerat animarum et episcopo qui pro tempore fuerit in ecclesia nostra cathedralia iura persolvat Et ut hec nostra concessio et confirmatio debitum robur firmitatis optineant presentem cartam nostram eis contulimus sigillo nostro munitam Hiis testibus magistro A tunc officiali Karl magistro W de Bergeveni A decano Karl magistro T de Denton Simone de Dalestona Willelmo monacho Belliloci capellano nostro et multis aliis