Charter Document - 03330051
| Charter Number: | 03330051 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1219 - 1223 |
| Date type: | Assigned |
| Resource Link(s): |
|
Charter:
Hugo Dei gratia Karl episcopus universis Cristi fidelibus ad quos presens scriptum pervenerit salutem in Domino Noverit universitas vestra nos divine pietatis intuitu concessisse et confirmasse priori et conventui de Lanrecost ad sustentationem pauperum quos frequenter suscipiunt quasdam ecclesias suas sicut in carta nostra eis super eisdem ecclesiis confecta continetur in proprios usus possidendas et ne post decessum personarum et vicariorum in eisdem ecclesiis ministrantium aliquid eis occurrere possit inpedimentum auctoritate nostra dictis priori et conventui concessimus ut possessionem predictarum ecclesiarum ingrediantur et pacifice retineant et ex ipsis canonicis suis vel alios si maluerint dioecesano episcopo presentent vicarios dummodo ydonei sint qui episcopo respondeant de spiritualibus et dictis priori et canonicis de temporalibus Et ut premissa perpetuum robur optineant firmitatis presens scriptum sigilli nostri appositione duximus muniendum Hiis testibus Ada abbate de Holmcoltram Bartholomeo priore Karl Suffredo priore de Wederhal magistro Ada tunc officiali Karl et aliis