Charter Document - 03330048
| Charter Number: | 03330048 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1220 |
| Date type: | Internal, A.D., Calendar |
| Resource Link(s): |
|
Charter:
Hugo Dei gratia Karl episcopus omnibus sancte matris ecclesie filiis ad quos littere presentes pervenerint salutem in Domino Notum sit universitati vestre nos divine pietatis intuitu et pro salute anime nostre de communi consilio et assensu totius capituli nostri dedisse concessisse et hac presenti carta nostra confirmasse Deo et ecclesie beate Marie de Holm et monachis ibidem Deo servientibus Cist ordinis in liberam puram et perpetuam elemosinam ecclesiam de Burg cuius ius patronatus consecuti sunt a nobili viro Hugone de Morevill cuius anime propitietur Deus Attendentes vero religionem dictorum monachorum et gratiam hospitalitatis quam liberaliter exercent in pauperes et peregrinos concedimus eis ut predictam ecclesiam cum terris decimis fructibus et obventionibus et omnibus aliis rebus libertatibus possessionibus et pertinendis suis in usus proprios in perpetuum possideant libere pacifice et absolute ab omni servitio consuetudine et exactione sicut eam liberius et melius conferre possumus ita tamen quod idem monachi vicarium quemcumque viderint ydoneum episcopo dyoecesano presentatum in eadem ecclesia ponant qui curam gerat animarum et competenter respondeat episcopo et ministris eius in hiis que pertinent ad episcopalia iura assignantes ei congruam sustentationem sicut eis poterit convenire Ut igitur hec nostra donatio concessio et confirmatio perpetuum robur optineat firmitatis presentem cartam nostram eis contulimus sigilli nostri munimine roboratam sub interminatione anathematis districte prohibentes ne qua ecclesiastica secularisve persona ausu temerario eos super prefata ecclesia decetero molestare presumat Hiis testibus domino R[obertus] abbate sancte Marie de Ebor Dat anno gracie MCCXX vii kalendas Octobris