Charter Document - 03330034
| Charter Number: | 03330034 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Institution |
| Date: | 1211 - 1214 |
| Date type: | Assigned |
| Resource Link(s): |
|
Charter:
Omnibus sancte matris ecclesie filiis Bernardus Dei gratia Karliolensis episcopus salutem Noverit universitas vestra quod cum Odo clericus qui ecclesiam de Crosseby Ravenswart diutius tenuerat in fata concessisset dominus rex ratione custodie abbatie de Wyteby ad quam eadem ecclesia pertinere dinoscitur magistrum Ernaldum nobis presentavit mandans ut eundem magistrum in eadem ecclesia institueremus licet ipsi monachi de Witeby audita morte eiusdem Odo clerici ad presentiam nostram cum cartis et instrumentis suis accessissent asserentes quod ipsa ecclesia eis a veris patronis fuerat concessa et in perpetuam elemosinam a bone memorie Athelwold predecessore nostro eis confirmata et per confirmationem venerabilis memorie Rogeri Eboracensis archiepiscopi corroborata in quam per Robertum archidiaconum Karliolensis de mandato eiusdem archiepiscopi fuerant instituti ad quem tunc temporis vacante sede Karliolensi ecclesiarum spectabat institutio sicut in cartis predictorum tam advocatorum quam archiepiscopi Eboracensis et episcopi et archidiaconi Karliolensis plenius perspeximus contineri Verum perturbata lacrimabiliter Anglicane ecclesie pace propter discordiam inter regnum et sacerdotium pro facto Cantuariensis et eisdem monachis ius suum prout debuerunt et voluerunt prosequi non valentibus utpote pastore carentibus et in custodia domini Regis constitutis nos domini regis obtemperantes imperio eundem magistrum Ernaldum in ipsa ecclesia duximus instituendum salvo iure eorundem monachorum post decessum ipsius magistri Ernaldo vel status eius mutationem cui tandem institutioni ad mandatum domini regis consenserunt ipsis tamen ius suum protestantibus et appellantibus atque supplicantibus ne hoc factum eis in posterum verteretur in iuris sui preiudicium vel gravamen Quibus presentes litteras ad eorum crebram supplicationem in testimonium iuris sui et processus negotii decrevimus concedendas tam illorum quam omnium virorum religiosorum iura conservare cupientes Hiis testibus Symone decano Eboracensis Hamundo thesaurario Eboracensis Ricardo abbate de Seleby Roberto abbate Eboracensis Laurentio priore de Giseburn magistro Radulfo Hospitalis Eboracensis magistro Petro Albin Osberto decano Clivel Alexandro decano de Ridal Symone magistro de Wycham