Charter Document - 03330022
| Charter Number: | 03330022 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1204 - 1214 |
| Date type: | Assigned |
| Resource Link(s): |
|
Charter:
B[ernardus] miseratione divina episcopus Karli universis sancte matris ecclesie filiis ad quos presens scriptum pervenerit salutem et benedictionem Usus ipse ratioque usu prestantior edocet acta scriptis mandari quo posteritati fiant nota et contentionis tollatur occasio Ea propter que piis fidelium votis viris religiosis noscuntur collata ne in recidive contentionis scrupulum valeant devenire ipsa nos condecet pro nostri regiminis officio roborare Inspecto igitur instrumento pie memorie Hugonis de Morevil veri patroni ecclesie de Burg quo monachi de Holm Cist ordinis eandem ecclesiam cum omnibus pertinentiis suis in liberam et puram et perpetuam elemosinam habendam concedit Nos quoque nostre auctoritatis assensum prebentes ipsam ecclesiam cum omnibus pertinentiis suis iam dictis monachis in proprios usus propter pauperum sustentationem perpetuo libere et quiete possidendam concedimus damus et confirmamus et presentis scripti patrocinio communimus salvo iure nostro et successorum nostrorum in spiritualibus sub interminatione anathematis inhibentes ne qua ecclesiastica secularisve persona ausu temerario eos super prefata ecclesia de cetero molestare presumat Hiis testibus Thoma priore de Wederhal et aliis