Charter Document - 03330007
| Charter Number: | 03330007 |
|---|---|
| Cartulary Title: | Carlisle 1133-1292 Volume 30 |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1133 - 1157 |
| Date type: | Assigned |
| Resource Link(s): |
|
Charter:
Notum sit omnibus sancte ecclesie filiis quod ego Athelwoldus Dei gratia Karl episcopus concessi et presenti carta confirmavi abbati de Ebor et monachis de Wederhal ecclesiam de Wederhal cum capella de Warthewic habendam et tenendam in propriis et perpetuis usibus eorum cum decimis et obventionibus et omnibus aliis ad illam pertinentibus sicut eam ab antiquo melius habuerunt faciendo sinodalia et archidiaconalia Et licebit imperpetuum dictis monachis presbiterum in dicta ecclesia serviturum proprio arbitrio ponere et amovere Concessi et confirmavi dictis monachis de Wederhal antiquam pacem loci illius et insuper [ecclesiam de Crokelyn et tertiam partem eiusdem ville et] heremum sancti Andree cum omnibus suis pertinentiis liberam et quietam de omnibus ad nos et posteros nostros pertinentibus et ab omni subiectione ecclesie de Kyrkeland quam videlicet heremum A filius Suuani me et aliis multis coram positis donavit eisdem Hanc donationem et tenuram plena autoritate confirmo et testem me exhibeo Si quis autem hec que confirmavi ausu temerario violare presumpserit vel predictis monachis de hiis iniuriam fecerit eum excommunicatum esse decerno Testibus Ada filio Suuani Warino de Kyrkeland Roaldo Ricardo milite et aliis