Charter Document - 03329254
| Charter Number: | 03329254 |
|---|---|
| Cartulary Title: | Durham 1241-1283 Volume 29 |
| Charter Language: | Latin |
| Charter Origin: | Religious |
| Charter Type(s): | Charter |
| Date: | 1279 |
| Date type: | Internal, A.D., Calendar |
| Resource Link(s): |
Reference Document for this Embedded Document Durham Cathedral Archive - Register I (fii21v) |
Charter:
Omnibus Cristi fidelibus ad quos presens scriptum pervenerit Willelmus de Clifford rector ecclesie de Wessington salutem in domino Noverit universitas vestra quod cum priorissa et moniales de Nesham essent in possessione percipiendi decem marcas singulis annis de ecclesia mea de Wessington antequam in ipsa ecclesia fueram institutus ego ius earum ignorans dictas decem marcas per aliquod tempus subtraxi eisdem Tandem ex postfacto ius earundem monialium manifeste advertens et earum compatiens paupertati ipsas de possessione percipiendi dictas decem marcas restitui solvendo eisdem quinque marcas de termino beati Martini anno domini MCC septuagesimo viii et quinque marcas de termino Pentecost proximo sequente Unde volo et concedo pro me et successoribus meis quod de cetero dicte priorissa et moniales decem marcas de predicta ecclesia mea singulis annis ad duos terminos percipiant in futurum videlicet in festo sancti Martini quinque marcas et in festo Pentecost quinque marcas et ad hoc fructus ecclesie memorate obligo per presentes In cuius rei testimonium sigillum meum presentibus est appensum Dat London x kal Novembris anno domini MCCLXX nono